Постои сомневање дека 20-годишната Ана Радовиќ и нејзиниот пријател Александар М. останале заробени во тесниот бетонски канал со часови, откако нивниот автомобил излетал од патот кај Чачак – Пожега. Потрагата траеше цели 72 часа, а телефонот на Ана бил активен дури 14 часа по несреќата, што буди прашања за тоа кога навистина настапила смртта.
Првичните наоди од истрагата укажуваат дека ударот бил толку силен што е можно двата млади лица да загинале на самото место. Сепак, „паник-повикот“ од возилото, автоматски активиран или притиснат од Ана, може да објасни зошто телефонската врска била активна толку долго.
Ана исчезна на 23 ноември, кога од Златибор тргнала кон Белград на факултет, а последен пат ѝ се јавила на братот во 18:45 часот. Следните три дена семејството и властите трагаа по неа, пребарувајќи реки, езера и патишта, без резултат, сè додека граѓани не го забележаа „ауди SQ“ во бетонскиот одвод.
Возачот, Александар М., имал долг список сообраќајни прекршоци, а причината за несреќата се уште се истражува – се проверува дали брзината, неприлагодените услови или можеби алкохол/дрога играле улога.
Официјалната обдукција треба да ги открие конечните детали: дали Ана и Александар биле живи по несреќата и колку долго биле заробени во возилото.
Случајот остава семејството и јавноста во шок и прашувања – дали трагедијата можеше да се спречи и колку долго младите биле заробени без можност за помош?
