Двајца припадници на Националната гарда на САД се застрелани во централниот дел на Вашингтон, соопшти секретарката за внатрешна безбедност, Кристи Ноем, пренесува CNN. Инцидентот се случил во близина на метро станицата Фарагут, недалеку од Белата куќа, а на местото на настанот веднаш интервенирала полицијата. Еден осомничен е уапсен, а граѓаните се советуваат да ја избегнуваат областа додека траат истрагата и обезбедувањето на местото.
Претседателот Доналд Трамп бил информиран за пукањето, а Белата куќа ја следи ситуацијата и ја смета за трагична. Националната гарда од повеќе држави е присутна во главниот град со месеци, како дел од мерките на претседателот Трамп за справување со криминалот.
Околностите околу пукањето сè уште не се јасни, а полицијата и натаму работи на расветлување на мотивите и точните настани поврзани со нападот.
