Триесет и тригодишен велешанец бил лишен од слобода во текот на ноќта, откако било пријавено дека физички ја нападнал својата 32-годишна партнерка во нејзиниот дом.
Од СВР Велес информираат дека на 20 септември 2026 година, во 03:16 часот, полициски службеници го лишиле од слобода А.Р. (33) од Велес.
Полицијата постапила по претходно добиена пријава според која во домот на неговата 32-годишна партнерка, А.Р. физички ја нападнал.
За случајот бил известен јавен обвинител, а по целосното документирање на настанот, против 33-годишникот ќе биде поднесена соодветна пријава.
