Во близина на градската плажа на Дебарско Езеро животот го загуби жена стара 40 години, која била извлечена од водата од случајни минувачи. Иако се обиделе да ја реанимираат, напорите биле безуспешни. Брзата помош пристигнала веднаш, но лекарот можел само да ја констатира смртта.
Според полицијата, на телото немало траги на насилство, а телото е предадено на обдукција. Ова е прв случај на удавување по повеќе од десет години, и доаѓа токму во лето кога на плажата – за првпат од 2017 – нема организирана спасувачка служба.
