Товарно возило се преврте, додека патнички автомобил е речиси целосно смрскан по тешката сообраќајна несреќа што се случи денеска на автопатот кај Колари. Во несреќата загинаа две лица, а сообраќајот е во целосен прекин.
До несреќата дошло на автопатот во насока кон Ниш. По судирот меѓу товарното и патничкото возило, товарното возило се превртело на коловозот.
Според првичните информации, две лица кои се наоѓале во патничкиот автомобил загинале на самото место.
На снимките и фотографиите кои ги објави страницата „192“, се гледа дека на автопатот се создадоа километарски колони и сообраќајот е во прекин.
