Британскиот актер и комичар Расел Бренд (51) е прогласен за виновен за силување и три сексуални напади, по судски процес во Лондон.
Поротата, составена од осум мажи и четири жени, ја донела одлуката по два дена разгледување на доказите, прогласувајќи го Бренд за виновен по четири од вкупно седум точки од обвинението.
Станува збор за едно силување и три сексуални напади поврзани со четири различни жени.
Истовремено, актерот бил ослободен од обвиненијата по две точки за силување и една точка за обид за недозволени сексуални дејствија.
Судијата Џоел Бенатан предупредил дека Бренд се соочува со значителна затворска казна, а нејзиното изрекување е закажано за понеделник.
Обвиненијата произлегуваат од настани поврзани со шест жени во Велика Британија, во периодот од крајот на 1990-тите до крајот на 2000-тите години.
Расел Бренд е познат по улогите во филмовите „Forgetting Sarah Marshall“ и „Get Him to the Greek“, како и по својата кариера како телевизиски водител и стендап-комичар.
Во последните години тој се посвети на создавање интернет-содржини со религиозна тематика. Во јавноста е познат и по поранешниот брак со американската поп-ѕвезда Кети Пери.
По одлуката на поротата, неговиот адвокат не дал непосреден коментар.
Конечната висина на затворската казна ќе биде позната по нејзиното изрекување, додека судијата веќе најавил дека станува збор за сериозна санкција.
