Корисниците на финтех гигантот Револут во Словенија се соочуваат со необична ситуација – на американската верзија на веб-страницата, Словенија е на листата земји кои не можат да испраќаат или примаат пари од САД преку оваа услуга. Ова значи дека ако вашиот пријател или роднина од Америка сака да ви испрати пари, Револут нема да дозволи трансакција. Единствени опции се стариот добар Western Union или класични банкарски трансфери.
Оваа „црна листа“ вообичаено ги вклучува земјите поврзани со санкции, високи ризици од перење пари или нестабилни политички услови – како Авганистан, Иран, Северна Кореја, Венецуела, па дури и руските региони Луганск и Донецк. Меѓу нив, единствена земја-членка на ЕУ е токму Словенија, заедно со Албанија, Косово и Белорусија. И, неверојатно, дури и Антарктикот е на оваа листа!
