Сериозен инцидент се случи на автопатот во близина на Стара Пазова, во правец кон Белград, откако се судрија два камиона, при што едниот налетал на возило кое превезувало цилиндри со гас, што довело до опасно истекување.
Според првичните информации, по ударот дошло до оштетување на товарот со гас, поради што веднаш била создадена потенцијално ризична ситуација со опасност од експлозија. Засега не е познато за каков вид гас се работи.
Поради сериозноста на инцидентот, сообраќајот на овој дел од автопатот е целосно прекинат, а возилата се пренасочуваат преку клучката Стара Пазова.
На местото на настанот интервенираат пожарникарски и полициски екипи, кои работат на обезбедување на зоната и спречување на дополнителни ризици.
Надлежните служби најавија дека јавноста ќе биде информирана навреме за нормализација на сообраќајот, откако ќе се утврди дека трасата е безбедна за движење.
