Ракот на белите дробови е водечка причина за смрт од малигни заболувања и во светот и во Србија, каде бројот на пациенти секоја година расте. Според Институтот „Батут“, годишно со оваа болест се дијагностицираат околу 6.500 лица, а над 5.000 умираат. Тоа значи дека секој ден 13 граѓани ја губат битката, односно на секои два часа умира по еден човек.
Директорот на Клиниката за пулмологија, д-р Михаило Стјепановиќ, предупредува дека главен фактор е пушењето, бидејќи една третина од возрасната популација во Србија е зависна од цигари. Дополнителен проблем е доцното откривање на болеста.
„Превенција постои – престанете да пушите и одете на превентивни прегледи“, апелира Стјепановиќ. Тој потсети дека благодарение на проширувањето на позитивната листа на лекови во 2023 година, од средината на 2024 година пациентите со неситноклеточен рак имаат пристап до иновативни терапии.
Сепак, пациентите со микроцелуларен рак остануваат најзагрозени – оваа агресивна форма речиси 30 години нема нови напредоци во третманот, а единствена значајна опција засега е имунотерапијата.
