Четириесет и деветгодишен македонски државјанин е осуден на 15 месеци затвор во Солун, откако под дејство на алкохол предизвикал сообраќајна несреќа.
Инцидентот се случил на патот Солун – Калохори, кога возачот со камион удрил во паркирано возило.
Алкотестот покажал присуство на алкохол од 0,76 до 0,78 милиграми на литар воздух, што е значително над дозволеното.
Судот го прогласил за виновен за опасно возење и му изрекол казна затвор, која може да ја откупи со плаќање по 10 евра за секој ден.
