Цените на лежалките во Црна Гора ова лето предизвикаа вистински шок кај туристите, откако се откри дека на некои плажи сет од две лежалки и чадор достигнува и до неверојатни 250 евра!
На елитната плажа Пржно, цените варираат од 150 до 250 евра, додека на популарната Јаз лежалка ќе ве чини 30 до 40 евра, што е значително поскапо од лани.
Во одморалиштето Бечиќи, цените се попристапни – од 15 до 25 евра, а според угостителот и спасувач Душан Дапчевиќ, по 17 часот лежалките се бесплатни.
Тој потсети дека плажите мора да бидат поделени – една половина за лежалки, а другата бесплатно достапна за туристите со сопствена опрема, и лежалките мора да се поставени најмалку три метри оддалечени од морето.
Цените сериозно варираат од локација до локација, но останува впечатокот дека за одмор на попознатите локации, ќе треба и „длабок џеб“.
