Хрватска подготвува нов модел на инвестициски сметки со кој граѓаните ќе можат да вложуваат дел од своите заштеди на пазарот на капитал, при што остварената добивка нема да се оданочува.
Според предлогот за новиот Закон за инвестициски сметки, секој полнолетен даночен обврзник ќе има право на една инвестициска сметка. Почетниот лимит за уплата е предвидено да изнесува до 200.000 евра, а може да се зголеми за дополнителни 50.000 евра доколку средствата не се повлечат во период од пет години.
Инвестициските сметки би биле насочени кон финансиски инструменти како акции на компании што котираат на берза и државни обврзници од земјите на Европската Унија и ОЕЦД.
Една од главните карактеристики на предложениот модел е даночното ослободување на остварената добивка. Предвидени се и правила за распределување на ризикот. Кај сметки со вредност над 20.000 евра, повеќе од половина од инвестициите нема да смеат да бидат концентрирани кај еден издавач.
Предлогот предвидува и најмалку 20 проценти од годишните инвестиции да бидат насочени кон финансиски инструменти поврзани со Хрватска.
Паралелно, во хрватскиот Сабор се разгледуваат и законски измени поврзани со истражувањето и експлоатацијата на енергетските георесурси. Целта е забрзување на геотермалните проекти и поефикасно користење на постојната инфраструктура.
Како еден од проектите е посочено геотермалното поле Лунјковец-Кутњак, каде што се планира изградба на геотермална електрана со моќност од 16 мегавати.
