Во Ваљево е забележано брутално полициско насилство, каде 16-годишното момче А.Р., родено во 2009 година, било претепано за време на протест. Според потпретседателот на Демократската партија во Србија, Миодраг Гавриловиќ, тинејџерот е во исклучително критична состојба – лекарите констатирале дека бубрезите престанале да му функционираат.
По нападот, момчето било префрлено од Ваљево во приватна болница во Белград, каде медицинските тимови се борат за неговиот живот. Гавриловиќ истакна дека ова претставува невидено насилство и апелираше до јавноста за солидарност и поддршка кон семејството на тинејџерот.
Тој порача дека младото момче не е само во оваа борба и повика граѓаните да останат обединети и да помогнат на секој можен начин.
