Синоќа во Белград, мирните протести против владата ескалираа во насилни судири со полицијата и жандармеријата. Демонстрантите фрлаа камења и пиротехнички средства, додека силите на редот возвратија со солзавец и употреба на физичка сила. Жандармеријата интервенираше и блокираше колони граѓани пред Генералштабот, додека дел од учесниците се разбија низ околните улици.
Слични протести се одржаа и во Нови Сад, каде граѓани изразија поддршка за претходно претепан бајкер. Десетици лица беа повредени и уапсени, меѓу кои и државјанин на Хрватска, а демонстрантите оштетија простории на Српската напредна партија.
Протестите се дел од подолга политичка и социјална криза во Србија, која се продлабочи по трагедијата на железничката станица во Нови Сад минатата година. Нови демонстрации се најавени вечерва во повеќе градови, додека властите апелираат на запирање на насилството.
