Силен топлотен бран ја зафати Србија, каде што уште во раните утрински часови се измерени невообичаено високи температури. Најтопло било во Зрењанин, каде што во 8 часот биле измерени 30 степени, додека најниската температура е регистрирана во Сјеница со 13 степени.
Во Белград термометрите покажале 29 степени, а во Нови Сад, Кикинда и Банатски Карловац 28 степени. Поради екстремните горештини, црвен метеоролошки аларм е активен во поголем дел од Србија, додека за Косово е издаден портокалов аларм.
Метеоролозите прогнозираат дека дневните температури ќе достигнуваат од 35 до 40 степени, а во одделни делови од земјата попладне се можни краткотрајни врнежи и грмежи.
Според најавите, за време на викендот се очекува мало намалување на температурите, но тоа ќе биде краткотрајно, бидејќи веќе од почетокот на следната недела повторно се прогнозира ново затоплување.
