Според првичните сознанија од истрагата, мажот ѝ направил заседа на 45-годишната жена во зградата каде што живее нејзината ќерка. Откако пукал во неа и ја усмртил на лице место, тој го свртел оружјето кон себе и се самоубил, објавија грчките медиуми.
„Слушнавме три силни истрели во пет наутро“
Жителите на мирната населба Неа Смирни се вознемирени од трагичниот настан што се случил околу 5:30 часот утринава.
„Спиев, но не во длабок сон, кога одеднаш слушнавме три истрели. Беа многу гласни, а помеѓу секој имаше пауза од неколку секунди. Во првиот момент дури и не сфативме дека се работи за истрели од пиштол“, изјавила една од соседите за локалните медиуми.
