Територијалната противпожарна единица (ТППЕ) Велес ги информира граѓаните дека нема место за паника поради зголемената задименост забележана во градот.
Од ТППЕ Велес појаснуваат дека димот кој се чувствува и забележува низ Велес доаѓа од пожарот во реонот на Зелениково, а не од пожар што избувнал во самиот град.
Екипите ја следат состојбата и се преземаат потребните мерки за справување со пожарот.
Од противпожарната единица апелираат до граѓаните да останат смирени и да не шират непроверени информации.
„Безбедноста на граѓаните е наш приоритет“, порачуваат од ТППЕ Велес.
