Во Црна Гора е уапсена државјанка на Македонија, Е.И., под сомнение дека извршила измама врз жител на градот Плав, потврди Министерството за внатрешни работи. Случајот го води Регионалниот безбедносен центар „Север“ во координација со обвинителството, во рамките на акција за борба против економскиот криминал.
Според истрагата, од ноември 2023 година, жената со лажни тврдења и измамнички приказни успеала да го доведе во заблуда оштетениот, убедувајќи го дека парите се наменети за плаќање даноци при купување стан. На тој начин, тој ѝ предал вкупно 10.000 евра, дел преку банка, дел лично.
Наместо законска процедура, парите исчезнале – а кога измамата била откриена, следело апсење. Е.И. е приведена по наредба на обвинител, а против неа е поднесена кривична пријава.
Црногорските власти најавија дека борбата против економскиот криминал ќе продолжи, особено против лица кои злоупотребуваат доверба и користат лажни претстави за финансиска добивка.
