Влатко Грозданов е новиот градоначалник на Кочани
Општина Кочани доби нов градоначалник по завршувањето на вториот круг од Локалните избори 2025. Според конечните резултати на Државната изборна комисија (ДИК), кандидатот на коалицијата „ТВОЈА МАКЕДОНИЈА“ предводена од ВМРО-ДПМНЕ, Влатко Грозданов, извојува убедлива победа.
Со обработени 100% од гласачките места, Грозданов освои 52,71% од гласовите, додека неговиот противкандидат Венко Крстевски од Групата избирачи (ГИ) доби 42,31%, односно 5.914 гласа.
Во наредните денови, новоизбраниот градоначалник ќе ја преземе функцијата и, според најавите, ќе се насочи кон реализација на својата предизборна програма за развој и модернизација на општината Кочани.
