Сообраќајот на државните патишта низ земјата се одвива непречено, иако на повеќе места коловозите се влажни поради врнежи.
Според информациите од ЈП Македонија пат, слаб снег паѓа на Попова Шапка, додека во Крушево има мешани врнежи од дожд и снег. Во моментов тие не создаваат поголеми проблеми за возачите.
Во Крушево дополнително е регистрирана и намалена видливост поради магла, која на одредени делови се спушта до околу 50 метри.
Сите патни правци се проодни, но се препорачува внимателно возење, особено на делниците што минуваат низ клисури и усеци, каде постои можност за појава на помали одрони.
