Следниот неработен ден за сите граѓани во Република Северна Македонија е 20 март (петок), кога се одбележува Рамазан Бајрам, што воедно носи и продолжен викенд.
Во продолжение ви го пренесуваме комплетниот календар на неработни денови за 2026 година, корисен водич за навремено планирање на одмори, патувања и кратки бегства од секојдневието.
Неработни денови за сите граѓани на РСМ во 2026 година
Во текот на годината, граѓаните ќе имаат вкупно 7 продолжени викенди:
- 1 јануари (четврток) – Нова година
- 7 јануари (среда) – Божиќ, првиот ден
- 20 март (петок) – Рамазан Бајрам (продолжен викенд)
- 13 април (понеделник) – Велигден, вториот ден (продолжен викенд)
- 1 мај (петок) – Ден на трудот (продолжен викенд)
- 25 мај (понеделник) – Св. Кирил и Методиј (24 мај е недела – продолжен викенд)
- 3 август (понеделник) – Ден на Републиката (2 август е недела – продолжен викенд)
- 8 септември (вторник) – Ден на независноста
- 12 октомври (понеделник) – Ден на народното востание (11 октомври е недела – продолжен викенд)
- 23 октомври (петок) – Ден на македонската револуционерна борба (продолжен викенд)
- 8 декември (вторник) – Св. Климент Охридски
Дополнителни неработни денови за православните верници
Покрај државните празници, православните верници имаат и свои дополнителни неработни денови, од кои дел исто така овозможуваат продолжени викенди:
- 19 јануари (понеделник) – Богојавление (Водици)
- 6 мај (среда) – Ѓурѓовден
- 28 август (петок) – Успение на Пресвета Богородица (продолжен викенд)
