Израел смета дека иранската нуклеарна програма не е целосно уништена и предупредува дека Техеран сè уште располага со центрифуги кои, според израелски дипломатски извори, се складирани во областа на планината Пикекс.
Според истиот извор, иако израелските напади сериозно ја забавиле нуклеарната програма преку уништување на објекти, центрифуги и друга инфраструктура, капацитетите на Иран не се целосно елиминирани. Израел порача дека нема да се двоуми повторно да интервенира доколку Техеран се обиде да го обнови збогатувањето на ураниум или програмата за балистички ракети.
Темата била една од главните на средбата меѓу израелскиот премиер Бенјамин Нетанјаху и американскиот претседател Доналд Трамп во Вашингтон. Според израелски извори, разговарале за повеќе можни пристапи кон Иран, меѓу кои нов дипломатски договор, дополнителни санкции или евентуално засилување на воениот притисок.
Израелските претставници тврдат дека Иран во моментов се соочува и со сериозни економски проблеми, вклучувајќи недостиг на гориво, висока инфлација и растечко незадоволство кај населението, што дополнително го зголемува притисокот врз властите во Техеран.
