Двајца мажи украле дијамантска огрлица вредна 4,3 милиони долари од Музејот за применета уметност (MAK) во Виена, откако со чекан ја скршиле заштитната витрина.
Кражбата се случила во четвртокот попладне, а осомничените влегле во музејот како обични посетители на изложбата „Ремек-дела“. По кражбата, тие немаскирани избегале во непознат правец.
Украдената огрлица е особено вредна поради својата историја. Изработена е од платина со 673 дијаманти, со вкупна тежина од околу 200 карати, а била направена за египетското кралско семејство.
Во 1939 година, огрлицата ја носела египетската кралица Назли на свадбата на нејзината ќерка Фавзија со иранскиот престолонаследник, кој подоцна станал шах Мохамед Реза Пахлави.
Со децении се сметало дека накитот е изгубен, сè додека не се појавил на аукција на „Сотби“ во 2015 година, кога бил продаден за 4,3 милиони долари.
Полицијата трага по двајцата осомничени и ги анализира снимките од безбедносните камери од околината, метро-станиците и продавниците.
Според објавениот опис, станува збор за мажи високи околу 170–175 сантиметри, со слаба градба, темна коса и брада. И двајцата носеле темна облека и темни патики со бели ѓонови.
Во кражбата никој не бил повреден, а музејот останува отворен, освен делот каде што се случил инцидентот.
