Русија оцени дека глобалната економија се движи кон сериозен недостиг и нарушување на синџирите на снабдување, при што нејзината улога како еден од клучните извозници на ресурси ќе стане уште поважна.
Шефот на Рускиот фонд за директни инвестиции, Кирил Дмитриев, изјави дека и сојузниците и противниците на Москва ќе мора повеќе да ја ценат нејзината позиција на глобалниот пазар.
„Како што светот влегува во ера на недостиг и распад на глобалните синџири на снабдување, сите ќе ја препознаат важноста на Русија како еден од трите најголеми добавувачи на нафта, гас, хелиум, ѓубрива и жито“, порача Дмитриев.
Во исто време, руските медиуми предупредуваат дека цените на горивата растат во голем број земји, делумно поради проблемите во Ормутски теснец – една од најважните светски рути за транспорт на нафта и течен природен гас од Персискиот Залив.
Ескалацијата на конфликтите на Блискиот Исток и ограничувањата во транспортот дополнително го зголемуваат притисокот врз глобалните пазари, што, според Москва, ќе доведе до поголема зависност од земјите извозници на енергенси.
