Компанијата Resonance Consultancy секоја година објавува ранг-листа на 100-те најдобри градови во светот, позната како World’s Best Cities, која ги оценува градовите според животниот стандард, туристичките атракции и бизнис можностите.
Во споредба со минатата година, врвот на листата останува сличен. Лондон продолжува да води, веднаш зад него е Њујорк, третото место го зазема Париз, а четвртото место му припаѓа на Токио. Мадрид ја замени Сингапур во првите пет, додека Рим, Дубаи, Берлин и Барселона ги пополнуваат местата од седмото до десеттото.
Лондон – најдобриот град во светот Единаесетта година по ред, Лондон е прогласен за најдобар град во светот. Експертите истакнуваат дека неговиот квалитет на живот, бројот на аеродроми и присуството на големи компании го прават магнет за глобалната публика – од туристи и студенти до претприемачи.
По предизвиците од изминатите години, Лондон се опорави по пандемијата. Во 2024 година, меѓународните туристи потрошија речиси 22 милијарди долари, што е значително повеќе отколку во 2023 година. Градот е водечки и во странски инвестиции, особено во технологијата, а има рекорден број ресторани со ѕвездички Мишелин.
Пазарот на домување останува стабилен, со голем интерес од американските купувачи, а инвестициите во комерцијални недвижности продолжуваат да растат – само во првиот квартал од 2024 година, американските инвеститори вложиле 3,78 милијарди долари во британски комерцијални недвижности.
