Градоначалникот на Град Скопје, Орце Ѓорѓиевски, денес ја посети мрежата на средни училишта во главниот град, при што изврши увид во новата опрема и подобрените услови за настава и работа.
„Влогот во образованието е влог во иднината. Горд сум што резултатите од нашиот труд веќе се видливи и тоа ни дава дополнителен мотив да продолжиме посилно и поодлучно“, истакна Ѓорѓиевски на социјалните мрежи.
Тој додаде дека училиштата се опремени со:
- нови клупи и столчиња,
- прочистувачи на воздух,
- преносни и десктоп компјутери,
- модерни интерактивни табли и смарт панели кои овозможуваат современа и динамична настава.
„Ова е најголемата набавка за средното образование досега и јасно покажува нашата посветеност кон поквалитетно образование. Модернизацијата и осовременувањето на наставните средства продолжува системски и плански“, додаде градоначалникот.
Особен акцент е ставен и на реконструкцијата на спортските терени, со цел поттикнување на физичката активност и градење здрави животни навики кај младите.
Ѓорѓиевски најави дека сите средни училишта во Град Скопје ќе добијат фотоволтаици, мерка која ќе овозможи намалување на трошоците за електрична енергија и директен придонес кон заштитата на животната средина.
