Турската разузнавачка служба уапси Мехмет Горен, висок член на терористичката организација Исламска држава, со што беа спречени наводно планирани самоубиствени напади. Акцијата се случила на границата меѓу Авганистан и Пакистан, по што Горен бил депортиран во Турција.
Според агенцијата Анадолија, Горен е турски државјанин кој достигнал висока позиција во хиерархијата на Исламска држава и имал задача да координира планирани самоубиствени напади во Турција, Пакистан, Авганистан и делови од Европа. Засега не е познато дали во апсењето учествувале и властите на Пакистан и Авганистан.
