Косово официјално ја примило противтенковската опрема „Панцерфауст 3“ од Германија, како дел од тековната безбедносна и одбранбена соработка помеѓу двете земји, јавуваат косовските медиуми.
Целта на испораката е зголемување на одбранбените капацитети на Косовските безбедносни сили (КБС) и нивна постепена модернизација, со усогласување на стандардите на евроатлантските партнери.
Косовските власти нагласуваат дека оружјето ќе се користи исклучиво за одбранбени цели и професионална обука.
„Панцерфауст 3“ е еден од најнапредните противтенковски системи во Европа, и договорот со Германија се смета за потврда на поддршката на Берлин за стабилноста и безбедноста во регионот.
