На конференцијата за глобалната алијанса против шверцот со мигранти во Брисел, претседателката на Европската комисија, Урсула фон дер Лајен, истакна дека Европејците треба да одлучуваат кој влегува во Европа, а не шверцерите на луѓе.
Со новиот план, ЕУ има за цел да ја зајакне координацијата меѓу земјите-членки, да ги подобри граничните контроли и да ги казнува криминалните мрежи кои профитираат од шверц на мигранти. Планот исто така предвидува поддршка за безбедни и законски канали за миграција, како и заштита на ранливите групи кои се мета на шверцерите.
Европската комисија нагласи дека овој пристап е клучен за заштита на животите на мигрантите и за зачувување на безбедноста во Европа.
