Цените на нафтата продолжуваат да растат на светските пазари, а денеска двата главни реперни типа – Brent и WTI – бележат поскапување од повеќе од еден процент.
Според последните пазарни податоци, Brent нафтата со испорака во ноември достигна цена од 97,40 долари за барел, што претставува раст од 1,12 долари, односно 1,16 проценти.
Во текот на тргувањето Brent достигна максимум од 97,44 долари, додека најниската цена изнесуваше 96,25 долари за барел.
Раст има и кај американската WTI нафта. Фјучерсите со испорака во октомври се тргуваат по 92,59 долари за барел, што е зголемување од 1,21 процент. Во текот на денот цената достигна максимум од 92,62 долари.
Позначително зголемување е регистрирано кај London Gas Oil, чија цена порасна за 1,98 проценти и достигна 1.422,88 долари. Овој дериват се смета за важен показател за движењата на европскиот пазар на нафтени деривати.
Истовремено, Heating Oil бележи раст од 1,46 проценти, додека природниот гас има минимално намалување од 0,03 проценти и се тргува по цена од 2,939 долари.
Најголемо внимание сепак привлекува продолжувањето на растот на суровата нафта, при што Brent сега се наоѓа на помалку од три долари од психолошката граница од 100 долари за барел.
