Американскиот претседател Доналд Трамп одржа долг говор по повод 250-годишнината од независноста на САД, во кој ја величеше американската држава, но истовремено упати остри предупредувања за, како што рече, обновената закана од комунизмот.
Трамп изјави дека САД се најслободната, најсилната и најуспешната земја во историјата, нагласувајќи дека американската слобода, Уставот и националниот идентитет се темелите на успехот на државата.
Во обраќањето тој порача дека Американците секогаш ќе се борат за својата слобода и дека никому нема да му дозволат да го промени карактерот на земјата.
Голем дел од говорот беше посветен на критики кон комунизмот, кој Трамп го нарече една од најголемите закани за американската слобода. Тој тврдеше дека оваа идеологија низ историјата предизвикала огромни човечки жртви и порача дека нема да дозволи таквите идеи повторно да добијат простор во САД.
На крајот, Трамп ги истакна достигнувањата на Америка во науката, технологијата, спортот, културата и воената моќ, оценувајќи дека земјата останува инспирација за целиот свет и дека „најдоброто допрва доаѓа“.
