На свеченоста по повод Денот на независноста на Белорусија, претседателот Александар Лукашенко упати остри критики кон западните лидери, обвинувајќи ги дека ги поттикнуваат конфликтите ширум светот – и тоа од удобноста на нивните канцеларии. Според него, тие се однесуваат како да управуваат со човечки животи како со ликови во компјутерски игри или холивудски филмови.
Лукашенко оцени дека по осум децении од крајот на Втората светска војна, мирот воспоставен во Јалта е заменет со, како што рече, „авантура Брисел-Вашингтон“. Тој истакна дека Белорусија чувствително реагира на секоја можност за повторување на воени катастрофи, предупредувајќи дека земјата ќе преземе чекори за да спречи сличен развој како оној во Украина или на Блискиот Исток.
Според него, белорускиот народ нема да дозволи да биде вовлечен во сценарија што, како што вели, одредени сили ги проектираат уште во зародиш.
