Од почетокот на првиот летен топлотен бран оваа година во Шпанија, од саботата па наваму, повеќе од 102 лица ја загубија битката со високите температури, соопшти Системот за дневно следење на морталитетот (MoMo). Јуни 2025 година е најтопол месец забележан досега, а само во тој месец умреле вкупно 380 луѓе.
Податоците од Државната метеоролошка агенција (Aemet) дополнително ја потврдуваат загрижувачката ситуација, при што во првата половина од годинава вкупно 2.168 смртни случаи се поврзани со екстремни температурни услови. Ова изнесува дури 68% од вкупниот број жртви од температурни екстреми пријавени во текот на целата 2024 година, која има 3.521 жртва досега.
Оваа алармантна статистика ја открива суровата реалност на климатските промени и нивното директно влијание врз човечките животи.
