ПРВ.мк
Свет

СКАНДАЛ ЈА ТРЕСЕ ДРЖАВАТА: Градоначалник на општина добил отказ откако било откриено дека е порно актер!

СКАНДАЛ ЈА ТРЕСЕ ДРЖАВАТА: Градоначалник на општина добил отказ откако било откриено дека е порно актер!

Ларс Ериксон (55), кој ја предводел градската администрација во шведскиот град Јокмок, останал без работното место откако во јавноста било откриено дека во минатото снимал филмови за возрасни. Неговото претходно ангажирање во индустријата за возрасни предизвикало реакции, по што градските власти донеле одлука за прекин на неговиот работен однос.

Ериксон ја презел раководната функција во градската администрација во февруари 2024 година. Неговото минато станало јавно познато откако бил препознаен во два филма за возрасни, од кои едниот бил објавен во 2025 година, а другиот во октомври оваа година.

Во овие продукции тој настапувал под псевдонимот Ханс. Сепак, Ериксон тврди дека станува збор за активности од неговото минато, кои немале никаква поврзаност со работата што подоцна ја извршувал во градската администрација.

Тој објаснил дека снимките биле направени пред да ја преземе јавната функција, а последната соработка со индустријата за возрасни ја имал во 2022 година.

Случајот добил дополнителен пресврт по првичната одлука за негово отпуштање на 19 октомври. Само една недела подоцна, Ериксон бил вратен на работа, но со значително ограничени овластувања. Му биле одземени надлежностите поврзани со раководењето со вработените, финансиите и буџетот.

Сепак, средината на ноември донела нова одлука за негово отпуштање, со што дефинитивно бил прекинат неговиот ангажман во градската администрација. Според информациите, по заминувањето ќе добива отпремнина во висина на седум месечни плати.

Градските власти се повикале на безбедносни причини

Како образложение за одлуката, градските власти ги навеле безбедносните ризици. Според нивната процена, информациите за неговото минато би можеле да создадат потенцијална ранливост, особено во однос на можноста некој да се обиде да го уценува.

Ова прашање го поврзале и со стратешката важност на областа во која се наоѓа градот, поради што сметаат дека лицата на раководни позиции треба да исполнуваат посебни безбедносни услови.

Ериксон, од друга страна, не се согласува со ваквото образложение. Тој ги отфрлил тврдењата дека неговото минато претставува безбедносна закана, нагласувајќи дека станува збор за легална активност која ја прекинал повеќе од две години пред да ја преземе функцијата.

Пред да се вклучи во локалната политика и да ја преземе раководната позиција во Јокмок, Ериксон бил активен и на националната политичка сцена. Тој бил член на Социјалдемократската партија и работел како пратеник во шведскиот парламент.

Случајот предизвика внимание во Шведска, отворајќи прашања за тоа дали приватното минато на некое лице треба да влијае врз неговата професионална кариера, особено кога станува збор за јавна функција и безбедносни процени.