Силен земјотрес со јачина од 6,1 степени според Рихтерова скала денеска го погоди островот Самар во централниот дел на Филипини, предизвикувајќи вознемиреност кај локалното население и активирање на сеизмолошките служби.
Според податоците од Американски геолошки институт (USGS) и германскиот GFZ – Германски истражувачки центар за геонауки, епицентарот на потресот бил лоциран во близина на градот Сан Хулијан, во провинцијата Источен Самар.
Земјотресот се случил во 14:09 часот по локално време, а изворите наведуваат дека неговата длабочина се движела помеѓу 10 и 73 километри, што е типично за умерено длабоки сеизмички активности.
Иако станува збор за силен потрес, првичните извештаи од терен укажуваат дека нема информации за големи материјални штети или жртви. Сепак, се забележани пукнатини на одредени објекти и нарушувања во инфраструктурата на погодените подрачја.
Сеизмолошката служба на PHIVOLCS предупреди дека е можно да се појават последователни потреси во наредните часови и денови, што е вообичаено по вакви земјотреси со оваа јачина.
Локалните власти и спасувачките служби продолжуваат со следење на состојбата и проценка на евентуалните последици во погодените области.
