Унгарскиот министер за надворешни работи, Петер Сијарто, по телефонскиот разговор со американскиот сенатор Марко Рубио, оцени дека Доналд Трамп е „единствената надеж“ за завршување на војната во Украина и за враќање на мирот во Централна Европа.
Според Сијарто, процесот на постигнување мир е „исклучително тежок“, а настаните од последните денови укажуваат на ескалација на конфликтот. Тој изрази разочараност што многу европски политичари, според него, работат против мировните напори на Трамп, додека Унгарија ја дава целосната поддршка.
Министерот додаде дека односите меѓу САД и Унгарија по инаугурацијата на Трамп „влегоа во сосема нова димензија“ заснована на пријателство и меѓусебно почитување. Во разговорот се разгледувале и стратешки прашања за снабдување со енергија во Централна Европа, при што Рубио бил „единствениот западен политичар“ кој дал рационален аргумент за инфраструктурата и географските реалности на енергетската безбедност.
Сијарто истакна дека американскиот државен секретар ја потврдил посветеноста на Трамп за воспоставување мир преку преговори меѓу Русија и Украина. Разговорот бил оценет како пријателски и конструктивен, со траење од околу половина час.
