На социјалните мрежи кружат снимки од жестоки експлозии за кои се тврди дека доаѓаат од напад врз руски магацин за муниција источно од Донецк – територија под контрола на Москва. Засега нема потврда од украинската армија, ниту детали за обемот на штетата.
Паралелно со ова, Русија објави дека украински дрон погодил станбена зграда во регионот Липецк, при што загинала жена, а две лица се повредени. Локалните власти велат дека делови од урнатини од соборениот дрон паднале врз населено место, но точната штета сè уште се проценува.
Украина продолжува со офанзива врз стратешки објекти – и на окупираните територии и внатре во Русија, додека Москва ја зголемува активноста околу Покровск и се обидува да навлезе подлабоко кон Дњепропетровската област.
