Иран би можел да произведе нуклеарна бомба за само неколку недели, предупредуваат американски власти. Според портпаролката на Белата куќа, Каролин Ливит, Техеран веќе располага со сè што му е потребно – технички капацитет, материјали и експертиза. Единствено што го одделува Иран од завршување на првата бомба е политичка одлука од врховниот лидер, а според американските анализи, тоа би можело да се случи многу брзо.
Ова предупредување доаѓа во период на зголемени тензии на Блискиот Исток, со опасност ситуацијата драстично да ескалира. Американските безбедносни служби внимателно го следат развојот на иранската нуклеарна програма, која повторно е во фокусот по серијата ракетни напади и воена реторика меѓу Иран и Израел.
