Пратениците во германскиот Бундестаг заработуваат над 11.000 евра месечно
Новиот состав на германскиот парламент брои 630 пратеници, а основната месечна плата на членовите на Бундестагот моментално изнесува 11.227 евра, објави Дојче веле.
Оваа сума е изразена во бруто износ, што значи дека од неа се одземаат даноци и придонеси за здравствено осигурување. За разлика од повеќето вработени, пратениците не плаќаат пензиско осигурување.
Во зависност од личната и семејната состојба, како и од другите приходи, на крајот пратениците реално добиваат околу 8.000 евра месечно на рака.
