Иран и Соединетите Американски Држави сè уште немаат постигнато договор, изјави висок ирански извор за Ројтерс, додавајќи дека разликите меѓу двете страни сепак се намалени.
Како што напомена изворот, меѓу главните спорни точки и понатаму остануваат иранското збогатување на ураниумот и контролата на Техеран над Ормускиот Теснец.
Претседателот на Соединетите Американски Држави, Доналд Трамп, претходно во четвртокот изјави дека САД на крајот ќе ги преземат иранските залихи на високо збогатен ураниум, и покрај пораките од Техеран дека Иран нема да го предаде тој материјал.
„Ќе го преземеме. Не ни треба, не го сакаме. Најверојатно ќе го уништиме кога ќе го преземеме, но нема да дозволиме тие да го задржат кај себе“, изјави Трамп пред новинарите во Белата куќа, пренесува Ројтерс.
