Поразговорите за безбедносните гаранции за Украина, поранешниот руски претседател Дмитриј Медведев го нападна францускиот претседател Емануел Макрон, користејќи остри и навредливи изрази.
Медведев се осврна на Макроновите коментари дека Владимир Путин не е подготвен да ја заврши војната во Украина. „НЕ за трупите на НАТО како мировници. Русија нема да прифати таква ‘безбедносна гаранција’. Но, зарипнатата, патетична птица продолжува да пее за да докаже дека е крал на кокошарникот“, изјави Медведев, употребувајќи силни и навредливи зборови за да го прикаже Макрон како безвреден и комичен.
Претходно, европските лидери на состанокот во Брисел ја потврдија нивната целосна поддршка за напорите за постигнување прекин на огнот во Украина, како и поддршка за самата земја, што јасно го одразува контрастот помеѓу дипломатската позиција на Европа и остриот тон на руските претставници.
Овие изјави дополнително ја заоструваат тензијата меѓу Русија и западните лидери, особено во контекст на продолжувањето на конфликтот во Украина.
