Портпаролот на Кремљ, Дмитриј Песков, потврди дека Русија ја зема предвид најновата изјава на американскиот претседател Доналд Трамп, кој го скрати рокот за постигнување примирје во Украина на 10 до 12 дена. Песков нагласи дека Русија останува посветена на мировниот процес и заштитата на своите национални интереси.
Тој додаде дека, и покрај зголемените шпекулации за можноста за средба меѓу Трамп и рускиот претседател Владимир Путин, оваа тема не била и сè уште не е на дневен ред.
Изјавата на Песков дојде по Трамповите изјави во Шкотска, каде по средбата со британскиот премиер Кир Стармер, изјави дека нема напредок во преговорите и постави нов рок од околу 10 до 12 дена. Трамп порача дека сакаше да биде дарежлив, но поради недостаток на напредок ќе воведе строги санкции, вклучувајќи 100% царини за земјите кои тргуваат со Русија, особено нафтените купувачи.
Ask ChatGPT
