Лукот е една од највредните намирници во кујната – не само што го збогатува вкусот на секое јадење, туку е и вистински природен лек. Но што ако имате премногу лук од градина или од пазар? Со овој едноставен метод, ќе го зачувате свеж до шест месеци без ладење!
Тајната е во стара, добра картонска кутија обложена со весник. Да, токму така – не ви требаат скапи садови или замрзнувач. Ставете го целиот, нелупен лук во кутијата, затворете ја цврсто и сместете ја на темно, суво место – најдобро во подрум или гаража. Важно е температурата да биде собна и просторот да не биде влажен, бидејќи во спротивно лукот ќе ‘рти или ќе добие горчлив вкус.
Излупените чешниња, пак, треба да ги искористите во рок од една недела ако ги чувате во фрижидер – но само ако мора. Инаку, за секојдневна употреба, зачувајте неколку чешниња во празна кутија за јајца. Тоа овозможува правилна циркулација на воздухот и спречува создавање мувла – ќе ви бидат секогаш при рака, свежи и чисти.
Ова е трик кој одамна го знаат домаќинките и градинарите, а сега и вие можете да си го спасите лукот од пропаѓање – без мака и без трошоци.
