Францускиот астролог и пророк Нострадамус, кој починал во 1566 година, повторно го привлече вниманието на јавноста поради новите толкувања на неговите мистериозни записи, кои некои ги поврзуваат со 2027 година.
Според „Дејли мејл“, толкувачите на неговите пророштва во старите стихови препознаваат можни предупредувања за големи пожари, финансиски кризи, политички пресврти и необично откритие што би можело да заврши трагично.
Огромни пожари и финансиски колапс
Едно од пророштвата споменува „небесен оган од запад“ што се движи кон исток. Некои толкувачи сметаат дека ова би можело да симболизира разорни шумски пожари со сериозни последици врз природата.
Други стихови зборуваат за злато, сребро, растечки долгови и уништување финансиски документи, што се толкува како можна најава за голема економска криза.
Политички потреси и мистериозно богатство
Во дел од записите се споменуваат Персија, денешен Иран, и Трапезунт, денешниот турски град Трабзон. Современите толкувачи ги поврзуваат овие стихови со можни геополитички тензии.
Посебно внимание привлекува и пророштвото за скриено богатство под даб погоден од гром. Според едно толкување, лицето што ќе го пронајде богатството би можело да загине од повреда на окото.
Некои ова го поврзуваат со легендарната потрага по богатство на канадскиот остров Оук Ајленд.
Дали навистина ја предвидел 2027 година?
Нострадамус оставил повеќе од 900 четиристишја, познати како катрени, чии нејасни формулации со векови предизвикуваат различни толкувања.
Важно е да се нагласи дека Нострадамус никаде експлицитно не ја споменува 2027 година во овие пророштва. Поврзувањето на неговите стихови со современи настани е резултат на подоцнежни интерпретации, а не научно потврдени предвидувања.
