Во последните шест години, бројот на војници во јужнокорејската армија се намалил за 20%, на околу 450.000, поради драстичниот пад на бројот на мажи во возраст за задолжителна воена служба. Земјата има најниска стапка на наталитет во светот – 0,75 деца по жена.
Недостигот од регрути предизвикува и сериозен мањак од офицери, што може да доведе до оперативни тешкотии, предупредува извештајот доставен од пратеничката Чу Ми-еу.
За споредба, во 2000-тите армијата броела околу 690.000 војници, а денес Северна Кореја има околу 1,2 милиони активни војници.
Меѓу 2019 и 2025 година, бројот на 20-годишни мажи во Јужна Кореја паднал за 30%, на 230.000. Денес задолжителната воена служба трае 18 месеци, скратена од порано поради сојузот со САД и развојот на домашната одбранбена индустрија.
И покрај буџетот за одбрана од 43,9 милијарди долари за 2025 година, армијата има недостиг од околу 50.000 војници, од кои 21.000 се подофицери.
