Рускиот генерал-потполковник Апти Алаудинов излезе со драматична проценка за развојот на конфликтот на Блискиот Исток, тврдејќи дека Израел ризикува да ја прецени сопствената сила и на крајот „да престане да постои како држава“.
Алаудинов, кој е заменик-началник на Главната воено-политичка дирекција на руската армија и командант на специјалните сили „Ахмат“, во изјава за руската државна агенција ТАСС оцени дека конфликтот во регионот дополнително ќе ескалира.
Според него, Израел намерно се обидува да го прошири конфликтот и во него да ги вовлече САД и другите членки на НАТО.
„Мора да разбереме дека војната на Блискиот Исток само ќе ескалира. Верувам дека токму тоа е целта на Израел – да го интензивира конфликтот колку што е можно повеќе и да ги привлече САД и целиот НАТО сојуз во него“, изјави Алаудинов.
Тој притоа изнесе и крајно песимистичка прогноза, предупредувајќи дека Израел може да „ја прецени својата сила и да престане да постои како држава“.
Неговата изјава доаѓа во период на сериозни тензии на Блискиот Исток и продолжени судири со Иран.
Дипломатските обиди за смирување на ситуацијата досега не донесоа траен резултат, а неизвесноста околу Ормутскиот теснец дополнително ја зголемува загриженоста од поширока регионална ескалација.
Изјавите на Алаудинов претставуваат негова проценка за можниот развој на конфликтот, а не официјална потврда дека Израел се соочува со непосреден престанок на своето постоење.
