Товарен брод потона по напад од Хутите, загинаа најмалку четири члена на екипажот
Во Црвеното Море, товарен брод под либериско знаме, сопственост на грчка компанија, потона по напад со дронови и ракети извршен од јеменските бунтовници Хути. Во нападот загинаа најмалку четворица морнари, а 15 лица се водат како исчезнати.
Шест члена на екипажот, меѓу кои пет Филипинци и еден Индиец, беа спасени од страна на поморските сили на Европската Унија. Хутите изјавија дека нападот е извршен во знак на солидарност со Палестинците и дека пружиле помош и евакуација на дел од членовите на екипажот.
Во меѓувреме, САД ја осудија операцијата и обвинија Хутите за киднапирање на дел од преживеаните, повикувајќи на нивно безусловно ослободување. Во последните две години, бунтовниците изведоа преку сто напади врз комерцијални бродови во регионот, предизвикувајќи значителни загуби и несигурност во поморскиот сообраќај.
Ask ChatGPT
