Холивудскиот актер Бред Пит (61), кој веќе има шест деца и долго време не е во контакт со нив, е во сериозна врска со Инес де Рамон (32) веќе три години. Иако тој е подготвен да направи нов чекор и да стане татко повторно, Инес го условува тоа со формална обврска – прстен на раката.
Според извори блиски до парот, Инес е „старомодна девојка“ која не сака да има деца без официјална свршувачка. Таа сака да се увери во сериозноста на врската пред да пристапи кон проширување на семејството. Бред, од друга страна, тврди дека не се обидува да ја „пополни празнината“ со ново дете, откако односот со неговите шест деца од бракот со Анџелина Џоли е оддалечен.
Пит долго време го одложуваше бракот поради непријатната ситуација со разводот од Џоли, кој сега е официјално завршен, но сè уште нема објавено свршувачка. Парот се запознал во 2022 година, додека Инес била во брак со актерот Пол Весли, а од тогаш нивната врска само се зацврстува.
И покрај разликата во години, тие изгледаат среќни и хармонични, често се појавуваат заедно на јавни настани, а Инес е првата официјална партнерка што Бред ја претставил по разделбата со Анџелина. Меѓутоа, без прстен, бебе најверојатно нема да има наскоро.
