Москва официјално го затвори полскиот конзулат во Калининград, откако Полска во мај 2025 го затвори рускиот конзулат во Краков. Затегнатите односи меѓу двете земји кулминираат по пожарот во трговски центар во Варшава, за кој Полска ја обвинува Русија за саботажа.
Во соопштението на руското Министерство за надворешни работи се вели дека затворањето е „одговор на непријателски акт“ и дека „ниеден напад на Русија нема да остане без последици“. Полска, пак, ја оцени одлуката како „пресметана, но не и оправдана“, изјави портпаролот Павел Вронски.
Пожарот во Варшава на 12 мај целосно го уништи еден од најголемите трговски центри, каде што работеле и многу Виетнамци. Иако немаше жртви, штетата беше огромна, а Полска веднаш ја обвини Русија за разузнавачки напад. Москва ја отфрли вината.
По ова, Полска веќе има затворено два руски конзулати – во Краков и Познањ – обвинувајќи ја Русија за саботажи. Сега во земјата функционира само уште еден руски конзулат – во Гдањск.
Дипломатската војна меѓу двете земји дополнително го продлабочува раздорот на релација Исток-Запад, во сенка на војната во Украина и зголемените безбедносни тензии во регионот.
