Јелена Карлеуша повторно ја крена прашината на социјалните мрежи со нова објава на „Икс“, каде овојпат директно го нападна Новак Ѓоковиќ, споредувајќи го со хрватскиот пејач Марко Перковиќ Томпсон – познат по својата радикална и националистичка реторика.
Оваа неочекувана споредба доаѓа откако Ѓоковиќ даде поддршка на студентските протести и оддаде почит на загинатите млади во трагедијата во Нови Сад со симболичен гест на Егзит фестивалот.
Но Карлеуша, која е гласна поддржувачка на власта, тоа го нарече „мешање политика со музика и спорт“, додавајќи:
„Да се биде Томпсон на фашистички концерт или Ѓоковиќ кој ‘пумпа’ на терен со сопствените деца е пораз за забавата која треба да обединува, а не да дели.“
Социјалните мрежи експлодираа по нејзината споредба, обвинувајќи ја за провокација и навреда на еден од најуспешните српски спортисти. Особено се критикува тоа што го споредила Ѓоковиќ – кој често повикува на мир, љубов и слога – со Томпсон, симбол на националистичката сцена во Хрватска.
Ова не е прв пат Карлеуша да провоцира со свои политички коментари, но овојпат критиките не доаѓаат само од обожавателите на Ѓоковиќ, туку и од неутрални граѓани кои сметаат дека таа „премина граница“.
Се чини дека Карлеуша не планира да молчи – но дали овојпат отиде предалеку?
